Natiklo sa Quezon City ng mga otoridad mula sa Del Gallego, Camarines Sur ang nagpakilalang miyembro ng New People’s Army na si Alejandro Concepcion, 27-anyos, matapos mag-withdraw ng “extortion money” sa isang remittance center sa Fairview.
Ayon sa police Del-Gallego, ilang negosyante sa kanilang lalawigan ang nagrereklamo hinggil sa ginagawang pagbabanta at pananakot ng NPA kapag hindi naibibigay ang hinihingi nitong pera.
Sa impormasyon na nakalap ng provincial-PNP, sa Camarines Sur nang-e-extort ng pera ang NPA at sa isang remittance center sa lunsod ng Quezon ipinade-deposit ang pera.
Aabot na umano sa mahigit 100,000 Piso ang na-withdraw ng suspek na nahaharap ngayon sa mga kasong robbery at extortion.
Nagpapatuloy naman ang operasyon ng police-Del Gallego upang maaresto ang iba pang miyembro ng NPA na sangkot sa talamak na pangingikil sa lalawigan.
