Magpapaliwanag pa rin sa Pangulong Rodrigo Duterte ang nagbitiw na si Justice Assistant Secretary Boslemen Macarambon.
Sinabi ni Macarambon na susulat siya sa Pangulo para linisin ang kaniyang pangalan matapos hilingin mismo ng Pangulo na magbitiw siya sa puwesto.
Si Macarambom ay nasangkot sa umanoy gold at jewelry smuggling sa Ninoy Aquino International Airport o NAIA.
Ayon kay Macarambon hiniling niya noon sa Customs na i-recompute ang buwis na babayaran ng in laws ng kaniyang anak mula sa nabiling ginto at alahas ng mga ito na nagkakahalaga ng 7 million pesos.
Sinisingil kasi aniya ang in laws ng kaniyang anak ng 6 milyon pisong buwis na kaniyang ini apela kayat naibaba na lamang sa 1.38 million pesos ang buwis.
—-
