Sumampa na sa mahigit 70,000 ang bilang ng monkeypox cases sa buong mundo.
Sinabi ni World Health Organization (WHO) Chief Tedros Adhanom Ghebreyesus, ang naturang bilang ay nai-report sa UN Health Agency ngayong taon, kung saan 26 ang nasawi.
Ayon sa WHO, tumaas ang monkeypox cases sa 21 mga bansa sa Amerika sa kabila nang pagbagal ng mga naitatalang bagong kaso nito.
Sinabi pa ni Ghebreyesus na hindi pa tapos ang krisis at hindi pa rin dapat maging kampante ang publiko.
Nakikipagtulungan na rin aniya ang WHO sa iba’t-ibang mga bansa upang mapataas ang kanilang testing capacity at mabantayan ang trends nito.
