Naglunsad ng Urban Green Space and Recreational Park ang Metropolitan Manila Development Authority o MMDA sa Bayanan Baywalk sa Muntinlupa City bilang bahagi ng Adopt-a-Park Project ng ahensya.
Pinangunahan nina MMDA acting Chairman Engr. Carlo Dimayuga III at Muntinlupa City Mayor Rozzano Rufino Biazon ang naturang proyekto na mayroong 7K Agenda.
Sakop ng Agenda ang kabuhayan, kalusugan, karunungan, kaunlaran, kapayapaan o kaayusan, katarungan, at kalikasan para sa mga residente ng lungsod.
Makikita sa bagong parke ang bollard light, bench, at ramp na inilaan para sa mga Persons With Disabilities (PWDs).
Bukod pa dito, naglagay din ang ahensya ng exercise area at makulay na play area para sa mga bata.
