Pinaalalahanan ng Metropolitan Manila Development Authority (MMDA) ang publiko lalo ang mga motorista sa karapatan ng mga emergency vehicle tulad ng mga firetruck, ambulansya at police car.
Ito’y sa gitna ng viral video sa Facebook ng mga motoristang nakipag-talo sa mga driver ng firetruck at ambulansya.
Ayon kay MMDA Spokesperson Celine Pialago, may right of way ang mga emergency vehicle na naka-duty at rumeresponde sa anumang sitwasyon kaya’t dapat magbigay-daan ang mga motorista sa halip na humarang.
Buhay aniya ang nakataya kaya’t maaari silang mag-counterflow, lumiko bigla o kumaliwa kahit sa maling direksyon lalo’t kapag tumutunog ang kanilang sirena alinsunod sa Land Transportation and Traffic code.
Sa polisiya ng MMDA, maaaring ma-ticketan dahil sa reckless driving ang lalabag sa naturang kautusan bukod pa sa multang 500 pesos habang 1,000 pesos kapag nahuli ng Land Transportation Office (LTO).
—-
