Hinimok ng Metro Manila Mayors ang Inter-Agency Task Force na suspendihin ang pagpayag sa mga bata na makalabas ng bahay.
Ipinabatid ni Muntinlupa City Mayor Jaime Fresnedi na maglalabas ang Metro Manila Council ng isang resolusyon ukol dito.
Sinabi naman ni Paranaque City Mayor Edwin Olivarez, maraming bata pa ang hindi bakunado, posibleng mahawa ang mga ito ng iba’t-ibang variants.
Magugunitang, noong a-otso ng Hulyo inilabas ng IATF ang Resolution No. 125, na nagpapahintulot sa mga batang nasa 5 taong gulang pataas na makalabas na nasa ilalim ng GCQ.
