Habambuhay nang blacklisted sa lahat ng proyekto sa pamahalaan ang mga contractor na dawit sa maanomalya umanong flood control projects.
Ayon kay Public Works and Highways Secretary Vince Dizon, ang naturang hakbang ay preparasyon para sa ikalawang bugso ng mga kasong kanilang isasampa laban sa tiwaling kawani ng kagawaran.
Tiniyak din ni Secretary Dizon na hindi makalulusot ang mga kontratista kahit na magpalit pa sila ng pangalan.
