Dumayo ang maraming tagahanga ng yumaong 80’s music icon George Michael sa tahanan nito sa London.
Marami sa mga ito ang emosyonal pa rin sa biglaang pagkasawi ng kanilang idolo.
Dala ng mga fans ang mga bulaklak, kandila at mga sulat na nagpapahayag ng kanilang pagmamahal, paghanga at panghihinayang sa pagpanaw ni George Michael.
Humataw din sa Youtube search ang mga kantang pinasikat ng singer tulad ng Careless Whisper at Last Christmas.
Maging ang mga kapwa nito icon ay nagpahayag din ng kanilang pakikiramay sa pamamagitan ng social media gaya ni queen of pop Madonna kung saan nag-post ito ng video kung saan ginagawaran nya ng award ni Michael.
Sinabi naman ni Elton John na maging siya ay nagulat sa pagpanaw ng kanyang kaibigan na tinawag nyang mabuti, generous at isang brilliant artist.
Una napabalita na pumanaw si George Michael sa kanyang tahanan dahil sa atake sa puso.
By Rianne Briones
