Nasa 121 mga convicts na nakalaya sa ilalim ng Good Conduct Time Allowance (GCTA) ang kusa nang sumuko sa mga otoridad.
Batay ito sa pinakahuling tala ng Philippine National Police (PNP), ala sais kagabi.
Ayon kay PNP spokesman Brig. General Bernard Banac, sisimulan na nila sa Setyembre 20 ang pagpapakalat ng mga tracker team para matuntun ang mga nabanggit na convict sakaling hindi pa sumuko ang mga ito sa itinakdang palugit ni Pangulong Rodrigo Duterte.
Dagdag ni Banac, nakikipag-ugnayan na rin sila sa Bureau of Immigrations (BOI) para naman maberipika ang ulat na ilang convicts ang nakalabas na ng bansa.
