Magsasagawa ng road reblocking ang Department of Public Works and Highways (DPWH) sa ilang lansangan sa Metro Manila ngayong weekend.
Ayon sa inilabas na abiso ng ahensya apektado ang:
- EDSA south bound mula National Shrine hanggang West Avenue.
- Gate ng Kampo Krame hanggang Annapolis Street.
- EDSA northbound lagpas ng Aurora Boulevard hanggang New York Street.
- Katipunan Avenue sa C-5 northbound, paglagpas ng CP Garcia Street hanggang sa harap ng UP town center.
- Southbound ng Araneta Avenue mula Landragum Street hanggang Samar Street.
- Northbound ng Mindanao Avenue, mula sa harap ng Caltex hanggang Tandang Sora Avenue.
- Northbound ng A Bonifacio Avenue
- Mula Prime Rose ng Quirino Highway hanggang sa King Fisher Street.
- Rebisco Road sa General Luis hanggang sa SB Diversion Road.
Gaganapin ang road reblocking simula mamayang alas onse gabi hanggang alas singko ng umaga sa Lunes, Oktubre 28.
