Ligtas ang mga Pilipino sa wildfires sa California, USA na ikinasawi na ng mahigit sampu (10) katao.
Ayon sa mga Pilipinong nasa Los Angeles ligtas sila at mahigit 35 milya ang layo sa kanila ng wildfires na nasa hilagang bahagi ng California.
Gayunman ipinabatid ng mga Pilipinong naghahanda pa rin sila sa posibleng maging epekto ng sunog sa kapaligiran at kalusugan lalo nat nakapagtala rin ng malaking wildfires ang Los Angeles nitong mga nakalipas na buwan.
Umaasa naman ang mga Pilipinong huhupa na ang wildfires at hindi na kakalat sa iba pang lugar ng estado.
—-
