Inihayag ni Interior Secretary Eduardo Año na may ilang indibidwal na nagbabayad sa mga tinutuluyang hotel upang hindi na sumailalim sa quarantine.
Sinabi ni Año na minsan ay mismong ang mga kamag-anak ang siyang nag-uutos sa mga naka-quarantine na tumakas at labagin ang protocols upang sila’y agad na magkasama.
Ang iba aniya ay tumatakas pa sa pamamagitan ng fire exit ng hotel.
Ayon kay Año, nagsampa na ng kaso ang Bureau of Quarantine laban sa mga lumalabag sa quarantine protocols.
