Kakasuhan ng pamahalaan ang sinumang mga negosyanteng magtatangkang mag-hoard ng kanilang suplay ng bigas.
Ito ang banta ni Agriculture Secretary Manny Piñol sa mga rice traders na nagbabalak magpatupad ng cartel sa bigas at lumikha ng sitwasyon para palabasing may kakapusan ng bigas sa bansa.
Economic sabotage ayon sa kalihim ang ikakaso nila sa sinumang negosyante na mapatutunayang nag-hoard o nag-ipit ng suplay ng bigas sa mga mamimili.
Bagama’t nilinaw ni Piñol na hindi siya kontra sa pag-aangkat ng bigas, mas mainam na aniya na bilhin na lamang ang lokal na bigas mula sa mga magsasaka dahil mas matagal bago iyon masira.
By: Jaymark Dagala / Cely Bueno
