Binawasan na ng Bureau of Internal Revenue o BIR ang mga kinakailangang dokumento para sa mga gustong mag – aplay o pagre – renew ng business permits.
Kasunod ito ng pagiging epektibo ngayong taon ng naisabatas nang Tax Reform Acceleration and Inclusion (TRAIN) Law na nilagdaan ni Pangulong Rodrigo Duterte bago magtapos ang taong 2017.
Batay sa ulat ni BIR Commissioner Cesar Dulay kay Finance Secretary Carlos Dominguez, doble kayod na ang kawanihan para padaliin ang mga proseso sa pag – aplay ng business permit para sa micro, small at medium enterprises.
Ginawa ng BIR ang nasabing hakbang bunsod na rin ng mga reklamong natatanggap ng Finance Chief patungkol sa napakatagal na proseso ng kanilang mga permit sa mga regional offices nito.
