Pinalagan ng mga kaalyado ni Pangulong Rodrigo Duterte ang pagtawag ni Senadora Leila de Lima na isang sociopathic serial killer ang Pangulo.
Kasunod ito ng pagbaliktad ng dating pulis na si SPO3 Arthur Lascañas kung saan idiniin nito ang Pangulong Rodrigo Duterte na syang nasa likod ng Davao Death Squad (DDS).
Ayon kay House Speaker Pantaleon Alvarez, mukhang nasisiraan ng bait ang Senadora dahil sa mga naging pahayag nito.
Hinikayat naman ni Solicitor General Jose Calida na pagtuunan na lamang ng pansin ng Senadora ang tatlong kasong isinampa laban sa kanya.
Sa naging presscon ni De Lima kahapon, tinawag nitong numero unong kriminal si Pangulong Duterte.
PAKINGGAN: Bahagi ng pahayag ni Senator Leila de Lima
Hinamon din ng Senadora ang VACC o Volunteers Against Crime and Corruption na kasuhan ang Pangulo dahil sa mga ginawa at ipinag-utos nitong pagpatay.
PAKINGGAN: Bahagi ng pahayag ni Senator Leila de Lima
By Rianne Briones
