Mga evacuee pinayagang magmartsa papasok ng Marawi

Pinayagan na ang mga evacuees na magmartsa papasok ng Marawi City ngayong araw.

Batay sa lumabas na ulat, pumayag si Defense Secretary Delfin Lorenzana na isagawa ang walk for peace sa kondisyong hindi aabot ang mga magmamartsa sa battle zone o sa lugar na nananatili pa ang digmaan.

Bukod dito, maaari lamang din nila gawin ang pagmamartsa bago o pagkatapos ng SONA ni Pangulong Rodrigo Duterte.

Ang nasabing desisyon ni Lorenzana ay resulta ng diyalogo kasama ang ilang mga religious leaders at mga bakwit, kung saan napag-usapan din ang kahilingang bawasan ang airstrike ng militar at paglalagay ng relocation site sa mga kalapit na lalawigan.

By  Krista de Dios

Comments

comments