Sinimulan na ng mga empleyado at pamilya ng mga pasyente ng Doctor Jose Fabella Memorial Hospital sa Sta. Cruz, Manila ang kanilang vigil at walkout protest.
Pinangunahan ng Alliance Of Health Workers, mga health group mula sa iba’t-ibang mga ospital ang protesta sa pagpapalipat sa kanila sa Philippine Blood Center sa Quezon City.
Inirereklamo nila na hindi uubrang ilipat ang pitong daang kama ng Fabella Maternal Hospital sa Blood Center na limampung hospital bed lamang ang kasya.
Reklamo rin ng mga manggagawa ng Fabella, pinalilipat sila sa ibang mga pagamutan nang walang katiyakan kung tatanggapin sila roon.
Nakatakdang isara pansamantala ang Fabella dahil isasailalim ang nasabing paanakan sa renovation.
By: Avee Devierte
