Nakatakdang palayain ng MILF o Moro Islamic Liberation Front ang libu – libong mga child warrior.
Sa ilalim ng action plan na nilagdaan ng naturang grupo sa UNICEF, nangako ang MILF na ititigil na ang recruitment at paggamit ng mga bata sa kanilang pakikipaglaban.
Ayon sa UNICEF o United Nations International Emergency Fund Philippines, may kabuuang 1, 782 menor de edad ang kumpirmadong pakakawalan ng BIAF o Bangsamoro Islamic Armed Forces na armed wing ng MILF.
Sa pamamagitan ng isang pormal na seremonya ay nakatakdang palayain ang unang batch ng mga child warrior sa Sabado, February 18 sa Sultan Kudarat, Maguindanao.
Magpapatuloy ang serye ng pagpapalaya hanggang sa susunod na buwan.
By: Rianne Briones