Hinimok ni incoming Philippine National Police (PNP) Chief at kasalukuyang National Capital Region Police Office (NCRPO) Chief Director Oscar Albayalde ang mga opisyal ng barangay na nasa listahan ng drug watchlist ng PNP na sumuko na.
Ayon kay Albayalde, hindi dapat mailuklok sa nalalapit na barangay at Sangguniang Kabataan elections ang mga opisyal na lulong sa droga.
Giit ni Albayalde, dapat ay boluntaryong sumailalim sa drug test ang mga opisyal ng barangay na tatakbo sa nalalapit na halalan bilang patunay na walang itinatago ang mga ito.
Samantala, sinabi ng Department of Interior and Local Government (DILG) na “all systems go” na ang barangay at SK elections na nakatakda sa Mayo 14.
—-
