Hindi natinag si Senador Richard Gordon sa banta ni Senador Antonio Trillanes IV na pagsasampa ng kaso laban sa kanya.
Ayon kay Gordon, nakahanda siyang harapin ang reklamong plunder na nakatakdang ihain ni Trillanes sa Ombudsman ngayong araw.
Tinawag pa ni Gordon na fake news ang mga akusasyon ni Trillanes at iginiit na ang tangi lamang niyang ginagawa para sa Philippine Red Cross o PRC ay tumulong sa mga tao.
Inilarawan din ni Gordon na isang uri ng publicity at sensationalism ang planong paghahain ni Trillanes ng reklamo laban sa kanya.
Magugunitang, inihayag ni Trillanes na kanyang sasampahan ng kasong plunder si Gordon dahil sa umano’y paglalagay nito ng kanyang pork barrel sa Philippines Red Cross noong Chairman pa ito ng nasabing organisasyon.
—-
