Aabot sa 150 milyong piso ang natipid ng lokal na pamahalaan ng Pasig City sa loob ng limang buwan.
Ito ang ipinagmalaki ni Pasig City Mayor Vico Sotto matapos umano niyang tutukan ang mga public bidding at kontrata na pinapasok ng kanilang lungsod para maiwasan ang kurapsyon.
Dagdag pa ng Pasig City Public Information Office, transparent ang mga bidding process dahil naka-live ito sa kanilang social media account.
Sinabi ni Sotto na hindi madali ang paglilinis na kanilang ginagawa ngunit sulit naman umano ang hirap dahil mas marami na ngayong pondo na mapakikinabangan ng mamamayan para sa iba’t ibang serbisyo.
