Nais ni Pangulong Rodrigo Duterte na tumakbo si Davao City Mayor Sara Duterte sa pagkapangulo sa 2022 Election.
Ito ang kinumpirma ni Presidential Spokesperson Harry Roque makaraang sabihin ng pangulo na hindi tatakbo ang anak sa susunod na eleksyon.
Sinabi aniya ng pangulo na gusto na nito i-endorso si Inday sa pagkapangulo kung hindi man ay nasa listahan umano nito sina Senator Pacquiao, Mayor Isko Moreno at Senator Bongbong Marcos.
Nauna nang binanatan ng pangulo si Pacquiao na ilalantad niya ito sa pagiging sinungaling, sa inaakalang laganap ang katiwalian sa administrasyong Duterte.
Hindi sinagot ni Roque ang mga katanungan kung nais ng pangulo na patalsikin si Pacquiao mula sa PDP-Laban ngunit ipinahiwatig niya na ang pangulo ay walang matagal na ugnayan sa partidong pampulitika.
