Ipinag-utos ni Armed Forces of the Philippines o AFP Chief of Staff General Rey Leonardo Guerrero mas matinding opensiba laban sa New People’s Army o NPA.
Ayon kay Guerrero layunin nito ang matugunan ang kalupitan ng NPA dahil sa sunod-sunod na mga pag-atake nito sa mga komunidad nitong mga nakalipas na araw.
Iginiit pa ni Guerrero ang ibinaba na kautusan ni Pangulong Rodrigo Duterte na pigilan ang mga iligal na aktibidad ng rebeldeng grupo.
Dagdag ni Guerrero natukoy na nila ang mga organisasyong sumusuporta sa NPA, gayunman ipauubaya na nila sa ibang ahensiya ng pamahalaan ang paghawak sa mga ito.
(Ulat ni Jonathan Andal)
