Isinusulong ni Senator Miriam Defensor-Santiago ang paglikha ng mas matapang na batas para mahinto ang pagdami ng investment scams.
Sa kanyang isinumiteng resolusyon, pinatututukan ni Santiago sa imbestigasyon sa Senado, ang One Dream Global Marketing Incorporated na nakakuha ng P3 bilyong piso mula sa libo-libong investors mula sa Batangas.
Binigyang diin ng Senadora na mahalagang malaman ang modus ng mga nasa likod ng investment scams, upang makalikha ng mas epektibong batas laban dito.
Una nang inimbestigahan ng Senado ang kaso ng multitel ni Rosario Baladjay, na nagresulta sa pagpapabigat sa kasong syndicated estafa subalit bigo pa din itong magsilbing leksyon sa publiko, at marami pa din ang nahuhulog sa investment scams.
By Katrina Valle | Cely Bueno (Patrol 19)
