Isinusulong ni Senador Sonny Angara ang pagtataas ng cash incentives sa mga Pilipinong atleta na makasusungkit ng medalya sa mga sports tournament sa Asya.
Layon ng senate bill 1225 na amyendahan ang Republic Act 10699 o ang national athletes and Coaches Benefits and Incentives Act.
Ayon sa Senador, ito ay bilang pagkilala sa matagumpay na hosting ng 30th Southeast Asian (SEA) Games.
Nasa halos P100,000 ang itataas ng incentives ng mga atletang mananalo sa Asian level competitions.
Samantalang nasa P20,000 hanggang P100,000 naman ang itataas sa mga mananalo sa SEA Games at ASEAN Paragames.
