Nanawagan ang ilang senador sa gobyerno na papanagutin ang mga incumbent at dating opisyal ng Marawi City na tumulong sa Maute-ISIS na kubkubin ang syudad.
Kasunod ito ng nalalapit nang pagtatapos ng giyera sa naturang syudad.
Ayon kay Senator Juan Miguel Zubiri, nananatili kasing kwestyonable kung paano nagawang iposisyon ng terorista ang kanilang mga baril at bomba at nagawang makapasok sa syudad ang mga terorista nang hindi alam ng mga lokal na opisyal.
Posible aniyang kaya nagawang magtagal ng higit limang buwan ang mga terorista ay dahil sa tulong ng mga opisyal ng syudad.
Sinabi naman ni Senator Gringo Honasan, imposibleng hindi alam ng mga opisyal ng lungsod ang pagpasok ng mga terorista sa Marawi.
—-
