Nakahanda si Aksyon Demokratiko presidential aspirant at Manila City Mayor Isko Moreno na sasailalim sa voluntary drug testing.
Ayon kay Moreno, sumulat na siya kay Philippine Drug Enforcement Agency Director General Wilkins Villanueva, para hilingin na isailalim siya sa agarang drug test.
Matatandaang hinikayat ng isang grupo ang mga kandidato para sa 2022 national and local elections na sumailalim sa drug testing upang malaman kung gumagamit ng iligal na droga ang mga ito.
Layunin nitong masiguro sa publiko na ligtas ang kanilang boto bago pa maihalal ang mga mananalong kandidato sa 2022.—sa panulat ni Angelica Doctolero
