Nagbanta si House Committee on Ways and Means Chairperson Dakila Carlo Cua na hindi aaprubahan ang ikalawang Tax Reform Acceleration and Inclusion o TRAIN Law.
Ito ay kung hindi mailalatag ng maayos at maipapatupad angh Implementing Rules and Regulations o IRR para sa social benefits sa ilalim ng unang batas hinggil sa TRAIN.
Sa pagdinig ng komite inamin ng gobyerno na hindi pa nauumpisahan ang pamamahagi ng P200 na voucher para sa ‘Pantawid Pasada’ ng mga pampasaherong jeep.
Maliban dito hindi pa rin naipapamahagi ang Conditional Cash Transfer o CCT sa kabuuang 10 milyong pamilya na target nito.
Ipinabatid ni BIR Operations Group Chief Arnel Guballa na patuloy pa rin nilang pinag aaralan ang social benefits sa ilalim ng TRAIN.
—-
