Pinasalamatan ng Malacañang ang China sa tulong nito sa rehabilitasyon ng Marawi City.
Ang nasabing tulong ayon kay Communications Secretary Martin Andanar ay patunayan ng mas malakas na relasyon ng Pilipinas at China gayundin ng mataas na respeto ng Chinese Government sa Pangulong Rodrigo Duterte.
Sinabi pa ni Andanar na isa ang China sa mga bansang unang nagpapadala ng tulong sa Pilipinas sa mga panahong may kalamidad, karahasan at iba pang sitwasyon.
Kabilang sa mga unang dumating na gamit na bahagi ng emergency humanitarian assistance program ng beijing ang walong set ng excavators, wheel loaders, dump trucks, cement mixer, ilang set ng compactors, tractors, bulldozers at container vans.
