Itinanggi ng Malakanyang ang ulat na nagbigay na ng go signal si Pangulong Duterte upang ituloy ang parusang kamatayan sa Filipina drug convict na si Mary Jane Veloso sa Indonesia.
Ayon kay Presidential Spokeman Ernesto Abella, batay sa naging pag uusap ng pangulo at ni Indonesian President Joko Widodo, inihyag ni Duterte na hindi ito makikialam sa batas ng nasabing bansa.
Una ng lumabas sa pahayagang Jakarta post na inamin mismo ni Widodo na ipinauubaya na ni Duterte ang pasya ng gobyeno ng Indonesia at kung bibitayin ay hindi niya ito pipigilan.
Sinabi ni Abella na wala silang mensahe sa ngayon para sa pamilya ni Mary Jane.
By: Drew Nacino / Aileen Taliping
