Magpapatuloy ang ginagawang maintenance services ng Manila Electric Company o MERALCO bukas, Enero 19.
Ito’y makaraang simulan ang nasabing maintenance services noong Biyernes na tatagal naman hanggang Enero 24.
Saklaw ng nasabing maintenance work ang iba’t ibang bahaging Metro Manila at karatig lalawigan nito.
Ilan sa mga apektadong lugar na makararanas ng power interruption ay ang ilang bahagi ng Dasmariñas Village sa Makati, Ugong sa Pasig, Cubao, Diliman at New Era sa Quezon City.
Gayundin ang ilang bahagi ng Singalong at Tondo sa lungsod ng Maynila.
Una nang nagpatupad ng maintenance work ang MERALCO sa bahagi ng Pasay City kahapon, Enero 17.
By Jaymark Dagala
