Ipinagtanggol ni Maine Mendoza ang ka-love team niyang si Alden Richards sa mga basher.
Sinabi ni Maine, a.k.a Yaya Dub na pawang paninira lamang ang mga negatibong sinasabi kay Alden.
Kasabay nito, pinasinungalingan ni Maine na fans niya ang nasa likod ng pamba-bash kay Alden.
Aniya, nagpapanggap lamang ang ilang tao na miyembro ng fans club niyang Solid Maine United upang masisi ang grupo sa bandamg huli.
Dagdag ni Maine, bahagi raw iyon ng umano’y demolition job laban sa kanya.
Dahil dito, pinaalalahanan ni Maine ang kanyang mga tunay na taga-suporta na huwag paloloko sa mga pekeng fan.
By Avee Devierte
