Sugatan ang hindi bababa sa 31 katao matapos ang naganap na aberya sa isang rollercoaster ride sa Lego Land Theme Park sa Southern Germany.
Nangyari ang insidente matapos ang banggaan ng dalawang magkasunod na bagon ng rollercoaster.
Kinumpirma ng mga otoridad na 38 ang kabuuang sakay ng dalawang bagon ng rollercoaster, habang 14 sa mga nasugatan ang kaagad na isinugod sa ospital.
Sa ngayon ay hindi pa malinaw kung ano ang sanhi ng insidente ngunit pansamantalang isinara ang theme park habang gumugulong pa ang imbestigasyon.
