Pinadapa ng Magnolia Hotshots sa regular season ng 2022 PBA Commissioner’s Cup, ang Blackwater Bossing sa iskor na 91-69 na ginanap kahapon sa Smart Araneta Coliseum.
Hindi nagawang makabawi ng Blackwater sa ikalawa hanggang ika-apat na quarter dahilan para masungkit ng Magnolia ang kanilang ika-6 na panalo.
Nanguna sa koponan si Nick Rakocevic, na nakapagtala ng double-double performance na 17 points at 15 rebounds habang kumubra din sa koponan ng 17 points at 7 rebounds si Ian Sangalang.
Abangan naman sa Biyernes, November 11, 2022, ang susunod na laban ng Magnolia kung saan, kanilang makakaharap ang Meralco Bolts, alas-5:45 ng hapon, oras sa Pilipinas.
