Mainit at maalinsangang panahon ang mararanasan ng bansa sa susunod na tatlong araw.
Paliwanag ni PAGASA Weather Forecaster Samuel Duran, itoy dahil sa uumiiral na ridge of high pressure area.
Gayunman, makararanas pa rin anya ang bansa ng maulap na kalangitan na may pulu-pulong pag-ulan hanggang malalakas na buhos ng ulan, malakas na hangin at mga pagkidlat.
Pero paglilinaw ng PAGASA, walang namamataang Low Pressure Area o kahit bagyo sa loob ng Philippine Area of Responsibility.
