Nakatakdang sumailalim ang Land Transportation Franchising and Regulatory Board (LTFRB) sa heightened alert sa inaasahang dami ng mga sasakyan sa Semana Santa.
Ito’y sa ilalim ng “oplan biyaheng ayos: Summer Vacation 2022″ ng Department of Transportation (DOTr).
Inatasan ng DOTR ang LTFRB na tiyakin ang seguridad ng mga pasahero maging ang pagsunod ng bus terminal sa mga ipinatutupad na health protocols.
Bukod dito, magsasagawa ang LTFRB ng random inspection sa mga bus upang matiyak ang kahandaan at kaligtasan ng mga biyahero.
