Bahagyang naantala ang operaston ng Light Rail Transit (LRT) line 1 na biyaheng Baclaran hanggang Roosevelt Station, kahapon.
Ito ay bunsod ng nakitang nakasabit na plastic sa overhead line sa bahagi ng Monumento station.
Nahinto ang operasyon ng LRT 1 sa loob ng halos 10 minuto bago ito muling naibalik.
Kinailangan pang i-unload ang mga pasahero sa apektadong tren para na rin sa kaligtasan ng mga ito.
Ayon sa pamunuan ng LRT, posibleng nadala ang plastic ng naranasang malakas na hangin sa Metro Manila kahapon.
