Ipinahayag ng League of Provinces of the Philippines (LPP) na nais ng mga Local Government Units (LGU) na magkaroon ng karapatang magtalaga ng alert levels at health protocols sa kanilang lokalidad.
Ayon kay LPP president and Marinduque Governor Presbitero Velasco Jr., ang mga LGU ay dapat na kinokonsulta sa alert level na tutugma sa kanilang lugar.
Aniya, hiling lamang ng mga LGU na mabigyan ng malawakang awtoridad sa pagsasagawa ng mga panukala sa kanilang nasasakupan.
Magugunitang umapela si Velasco sa IATF kaugnay sa pag-urong sa Nobyembre 1 ng pinalawig na alert level system sa labas ng Metro Manila. —sa panulat ni Airiam Sancho