Inilunsad ng PHILPOST o Philippine Postal Corporation ang kanilang love express bilang pakikiisa sa pagdiriwang ng Valentine’s Day sa Pebrero 14.
Tampok sa nasabing programa ang mga personalized stamps na ilalakip sa mga ipadadalang liham pagmamahal o love letter sa mga magsing-irog at mag-asawa.
Ayon kay Alvin Fidelson, Public Information Officer ng PHILPOST, tampok din sa kanilang programa ang selfie stamps kung saan, maaaring gawing selyo ang larawan ng nagpadala o padadalhan ng liham.
“Ngayon, araw na ito ang simula ng Valentine’s Day, ng Love express ng PHILPOST, ito po ay magsisimula ngayong February 8. Ito ay magtatapos sa February 14, sa mismong araw ng Valentine’s Day”, pahayag ni Alvin Fidelson ang Public Information Officer ng PHILPOST sa panayam ng DWIZ.
By Jaymark Dagala | With Report from Aya Yupangco
Photo Credit: PHILPOST Website
