Naisumite na ni Defense Secretary Delfin Lorenzana kay Pangulong Rodrigo Duterte ang listahan ng mga pagpipilian bilang susunod na pinuno ng Armed Forces of the Philippines (AFP).
Ito ay upang maging kapalit ni AFP chief of staff General Gilbert Gapay na nakatakdang magretiro sa Pebrero 4 kasabay ng kanyang ika-56 na kaarawan na mandatory retirement age.
Ayon kay Lorenzana, bukas sa lahat ng mga kuwalipikadong aplikante ang posisyon ng susunod na AFP chief of staff.
Aniya, maaaring magpasiya na ang pangulo sa usapin ngayong linggo.
