Humingi na ng tawad ang Entertainment Columnist na si Lolit Solis kay Alex Gonzaga at non-showbiz husband nito na si Mikee Morada.
Ito’y kaugnay sa sinabi noon ni Solis na nakunan umano si Alex at tila ginagawa pang business ang malungkot na balitang ito dahil pinaabangan daw ang anunsyong ito sa kanilang vlog.
Ngunit hindi ito pinalampas ng asawa ni Alex at humingi ng respeto kay Solis lalo’t wala namang katotohanan umano ang mga sinasabi nito.
Paglilinaw naman ni Solis, hindi niya intensyong maka offend o makasakit ng damdamin ng tao.
Aniya matanda na siya at dumating na siya sa punto na gusto niyang walang nang nagagalit o naiinis sa kaniya.
Kung mayroon man umano siyang nasaktan, humihingi siya ng tawad.
