Tila atras-abante ang naging pahayag ng Philippine Health Insurance Corporation (PhilHealth).
Ito’y makaraang maglabas ng pahayag ang ahensya na sasagutin nito ang dialysis ng mga pasyenteng miyembro nito kahit lagpas na sa 90 sessions.
Una rito, inihayag ni PhilHealth Spokesman Rey Baleña na tatagal sana ang libreng dialysis hanggang Disyembre a-19 alinsunod na rin sa Bayanihan 2 Act.
Gayunman, binawi rin ng PhilHealth ang naunang pahayag nito hinggil sa libreng dialysis para sa kanilang miyembro ilang oras lang mula nang mailathala ito sa mga online news sites.
