Nilinaw ni Senador Panfilo Lacson na wala siyang pagdududa sa intergridad ni Public Works and Highways Secretary Mark Villar at mga undersecretary nito.
Kasunod ito ng pagbubunyag ni Lacson hinggil sa nasilip niyang kuwestiyunableng alokasyon sa panukalang budget ng DPWH.
Ayon kay Lacson, wala siyang naririnig kahit na tsismis na sangkot si Villar sa mga gumagawa ng katiwaliaan sa DPWH.
Pagtitiyak ni Lacson, hindi siya mag-aatubiling ilabas sakaling may makita siyang anumang pruweba o ebidensiya na sangkot sa anumang klase ng katiwalian sa DPWH, direkta man o hindi kay Villar o sinumang opisyal.
Kaugnay nito, sinabi ni Lacson na kumbinsido siya sa sinabi ni Pangulong Rodrigo Duterte na hindi corrupt si Villar, hindi dahil mayaman ito kundi dahil hindi talaga ito tiwali.
