Dumating na sa bansa ang labi ng Pilipinong namatay sa bugbog sa Bratislava Slovakia na si Henry John Acorda.
Lumapag sa Villamor Air Base ang service airbus ng Slovak government sakay ang labi ng Pinoy kaninang pasado alas-10:00 ng umaga.
Kasamang dumating sa bansa ang ina at dalawang kapatid ni Acorda, kinatawan ng Slovak Ministry of Interior at si Ambassador to Vienna Maria Cleofe Natividad.
Sinalubong naman ito ni Foreign Affairs Secretary Alan Peter Cayetano, mga kapamilya at malalapit na kaibigan ni Acorda at ilang opisyal ng Office of Migrant Workers Affairs.
Magugunitang nasawi si Acorda nang bugbugin ng isang Slovak national matapos namang ipagtanggol ang dalawang babaeng kaibigan na hina-harass ng suspek.—AR
(Ulat ni Raoul Esperas)
