Tiniyak ng UNA o United Nationalist Coalition na magkakaroon sila ng kumpletong senatorial line up na makakatuwang na tambalang BIN-GO sa 2016 elections.
Ayon kay Vice President Jejomar Binay, standard bearer ng UNA, ihahabol nila ang kanilang line up sa loob ng linggong ito.
Sinabi naman ni Senador Gregorio Honasan, running mate ni Binay na sa buong partido magmumula ang desisyon kung sino-sino ang isasama sa kanilang senatorial slate hindi lamang sa kanila ni Binay.
Binigyang diin ni Honasan na ang mga pipiliin nilang senatoriable ay kailangang makatulong sa layunin ng tambalang BIN-GO, tulad ng pagresolba sa kahirapan, pabahay, health services at iba pa.
By Len Aguirre | Allan Francisco
