Kinumpirma ng Department of Justice (DOJ) na pinagbigyan ng korte ang hirit ng prosekusyon na travel ban laban kay Daraga, Albay Mayor Carlwyn Baldo.
Ayon kay DOJ Spokesman Undersecretary Mark Perete, nagpalabas ang regional trial court (RTC) ng Legazpi City ng precautionary hold departure order (HDO) laban kay Baldo na may kaugnayan sa kasong pagpatay kay Ako Bicol Party list Rep. Rodel Batocabe.
Si Baldo ang itinuturong prime suspect sa pagpaslang kay Batocabe at sa kanyang police escort sa isang Christmas gift-giving event sa Barangay Burgos sa Daraga noong December 22 ng nakaraang taon.
