Suspendido ang klase sa ilang lugar sa bansa dahil sa ikinakasang dalawang araw na tigil pasada ng grupong PISTON.
Layon ng suspensyon na maiwasang maabala ang mga estudyante sakaling maraming pampasaherong jeep ang lumahok sa nasabing tigil pasada sa buong bansa.
Kabilang sa nag suspindi ng klase sa lahat ng antas private at public schools ang Davao City at San Mateo at Rodriguez sa lalawigan ng Rizal.
Kanselado naman ang klase mula pre school hanggang senior high school sa San Fernando City sa Pampanga.
Sinuspindi rin ng Makati City ang klase sa lahat ng antas sa mga pampublikong paaralan at ipinauubaya na lamang sa school administrators sa mga private schools kung kakanselahin ang klase sa Lunes sa kani kanilang hurisdiksyon.
Suspendido na rin ang klase sa National Teachers College sa lungsod ng Maynila.
