Isasama sa imbestigasyon ng Senado ang mga insidente ng kidnap for ransom na kinasasangkutan ng Chinese workers.
Bahagi ito, ayon kay Senate Labor Committee Chair Joel Villanueva ng imbestigasyon sa negatibong epekto ng Philippine Offshore Gaming Operations (POGO).
Sinabi ni Villanueva na ang mga insidente nang pagdukot ng Chinese workers ay isa lamang sa mga negatibong epekto ng POGO’s sa bansa.
Hindi aniya batid ng mga Chinese worker ang mga batas sa Pilipinas kayat dapat ituloy ng DOLE ang labor inspections sa mga pasilidad ng POGO upang ma-protektahan din ang kapakanan ng mga manggagawang Pilipino.
