Tila malapit nang matimbog ng mga awtoridad ang tinaguriang drug lord ng eastern Visayas na si Kerwin Espinosa.
Sinabi sa DWIZ ni Chief Inspector Jovie Espenido, pinuno ng Albuera, Leyte PNP na wala pa ring paramdam sa kanila ang batang Espinosa matapos mahuli ang amang si Mayor Rolando Espinosa.
Subalit tiniyak ni Espenido na tukoy na nila kung nasaan si Kerwin.
Bahagi ng pahayag ni Chief Inspector Jovie Espenido, Albuera PNP Chief
InterPol
Makikipag-ugnayan ang PNP sa Royal Malaysian Police para tuluyang tugisin si Kerwin Espinosa.
Ipinabatid ito ni PNP Chief Director General Ronald ‘Bato’ dela Rosa na nagsabi ring ewala pang exit record si Espinosa bagamat may mga impormasyon nang hawak ang Immigration sa Malaysia.
Ayon pa kay Dela Rosa maging sa international police ay nakikipag-ugnayan na rin sila para maaresto na si Kerwin na aniya’y nagparetoke na naman ng mukha para hindi makilala ng mga awtoridad.
By Judith Larino | Ratsada Balita
