Minaliit lamang ni Budget Secretary Florencio Butch Abad ang ikalawang kasong plunder at katiwalian na isinampa laban sa kanya sa Office of the Ombudsman kaugnay sa isyu ng DAP o Disbursement Acceleration Program.
Ayon kay Abad, walang batayan ang kasong isinampa laban sa kanya ni dating Philippine Constitutional Association (PHILCONSA) Atty. Bonifacio Alentajan.
Duda ang kalihim na seryoso ang mga taong nagsampa ng panibagong kaso laban sa kanya.
Iginiit ni Atty. Alentajan sa kanyang reklamo na inilipat ni Abad ang milyon-milyong pisong pondo sa ibang ahensya ng walang pahintulot mula sa kongreso na isang malinaw na paglabag sa batas.
By Meann Tanbio | Aileen Taliping (Patrol 23)
